В Хабаровской епархии введены особые прошения на Литургии

12.12.2011

Как и две тысячи лет назад, у Церкви Христовой есть одно очень важное служение в этом мире – нести Евангельскую весть всем народам, населяющим нашу землю. Тот факт, что более десяти веков назад слово Божие было проповедано на территории Киевской Руси, не отменяет для нас, верующих, живущих в России с начала 21-го века, этого последнего, в своем земном служении, поручения Спасителя.

Сегодня, как и тысячу лет назад, наши сограждане нуждаются в проповеди Евангелия. И хотя значительная часть нашего народа уже крещена, она никак не проявляет своей веры в жизни. Уже давно появилась потребность в сердцевине духовной жизни любого православного христианина –в Божественной Литургии, в молитве о тех, кто несёт сегодня нелёгкое миссионерское служение, а также о тех наших единоверцах, кто, будучи православным по крещению, так и не стал верным чадом нашей Церкви.

С ноября 2011 года, по благословению митрополита Хабаровского и Приамурского Игнатия в приходах Хабаровской епархии устанавливаются для молитвенного поминовения особые прошения о благополучии миссионерского служения.

Дополнительные молитвы на проскомидии и прошения на сугубой ектенье составлены иеромонахом Никанором (Лепешевым), преподавателем Хабаровской духовной семинарии, на основании одной из молитв известного русского подвижника 20-го века преп. Силуана Афонского.

ЦИРКУЛЯРНОЕ РАСПОРЯЖЕНИЕ № 100/41 по Хабаровской епархии Русской Православной Церкви от 14 ноября 2011 года. Благочинным и настоятелям храмов. Для молитвенного поминовения о благополучии миссионерского служения установить следующие прошения за Богослужением:

Дополнительная молитва на проскомидии (читается после изъятия из заздравной просфоры двух больших частиц за священноначалие и за страну; по её прочтении из просфоры вынимается частица)

Господи Иисусе Христе, Боже наш, / апостолы ко служению призвавый / и Духом Твоим Святым тех премудры явивый, / и теми всю вселенную просветивый, /отверзи уста всех христиан православных ко благовестию Твоему,/ изведи делатели на жатву Твою, / и укрепи ны во истиннем благочестии, / да и самим житием нашим свидетельствуем о Тебе, / и да будем свет мирови. / Всем хотяй спастися и в разум Истины приити. / Даждь всем в неведении сущим радость ведения Твоего, / прельщенныя обрати, / смущенныя от соблазна избави, / вся иже сподобишася Святаго Крещения, но, того небрегше, от Церкви Твоея отыдоша, паки чада Ея сотвори. / Шатания языческая угаси, / восстания еретическая разори, / расколов язвы уврачуй, / тьму неверия Светом познания Твоего разжени, / и вся люди воедино в Себе Самем совокупи.

Или же иной вариант: (эти молитвы читаются после изъятия из заздравной просфоры двух больших частиц за священноначалие и за страну; по прочтении каждой из просфоры вынимается по частице)

Молитва
Господи Иисусе Христе, Боже наш, / рыбари во апостолы призвавый / и Духом Твоим Святым тех премудры явивый, / и теми всю вселенную уловивый, / приими Жертву Благодарения сию нашу в пренебесный и мысленный Твой Жертвенник / и, возниспослав нам Благодать Твою, / отверзи тою уста всех христиан православных ко благовестию Твоему, / даждь нам глагол силою многою во проповедание Евангелия Твоего, / изведи делатели на жатву Твою, / и укрепи нас во истиннем благочестии, / да и самим житием нашим свидетельствуем о Тебе, / и да будем свет мирови.

Молитва
Боже Спасителю наш, всем хотяй спастися и в разум Истины приити, / приими от нас безкровное Приношение сие о наших гресех и о людских невежествиих, / и даждь всем в неведении сущим радость ведения Твоего, / прельщенныя обрати, / смущенныя от соблазна избави, / вся иже сподобишася Святаго Крещения, но, того небрегше, от Церкви Твоея отыдоша, паки чада Ея сотвори. / Шатания языческая угаси, / восстания еретическая разори, / расколов язвы уврачуй, / тьму неверия Светом познания Твоего разжени, / и вся люди воедино в Себе Самем совокупи.

Дополнительные прошения на сугубой ектении:

Якоже заповедал еси нам, Господи, просим Тя: / изведи истинныя делатели на жатву Твою, / и споспешствуй всегда Благодатию Твоею / всем православным христианом, благовествующим Святое Евангелие Твое, / молим Ти ся, Боже наш, / услыши и помилуй.
Не хотяй смерти грешных, / но ожидаяй обращения и покаяния, / вся заблуждшия светом Твоим просвети / и на Путь правый их настави, / вся в вере колеблющияся во Истине Твоей утверди, / нерадивыя и малодушныя на подвиги воздвигни, / молим Ти ся, Милосердый Господи, / услыши и помилуй.
Всем хотяй спастися и в разум Истины приити, / сотвори, да познают Тя вси люди Духом Твоим Святым, / и да сопричтутся Святей Твоей Соборней и Апостольстей Церкви, / молим Ти ся, Спасителю наш, / услыши и милостивно помилуй.

Молебное последование о благополучии миссионерского служения, совершаемое в день памяти Святителя Иннокентия, митрополита Московского и Коломенского – День православного миссионера(23 сентября / 6 октября)

Иерей: Благословен Бог наш…
Царю Небесный…

Бог Господь…
Тропарь, гл. 8:
Благословен еси, Христе Боже наш,/ светом Твоея благости всю землю озаривый/ и словом Твоего Евангелия вся концы наставивый,/ сотвори благое начинание рабов Твоих,/ ныне прилежно Тебе молящихся,/ последовати стопам святых Апостолов,/ просвещаяся любовию Твоего Искупления,// и просвещая вся любовию Твоего Воскресения.

Слава, гл. 1:
Во вся страны полунощныя изыде вещание твое,/ яко приемшая слово твое,/ ихже боголепно научил еси,/ неведущия Христа светом Евангелия просветил еси,/ человеческия обычаи украсил еси,/ Российская похвало, святителю отче наш Иннокентие,/ моли Христа Бога// спастися душам нашим.
И ныне, гл. 6:
Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас, верно зовущих Ти;/ ускори на молитву и потщися на умоление,// предстательствующи присно, Богородице, чтущих Тя.

Диакон: Вонмем. Премудрость. Вонмем.
Прокимен, гл. 8:
Во всю землю изыде вещание их, и в концы вселенныя глаголы их.
Стих: Небеса поведают славу Божию, творение же руку Его возвещает твердь.

И о сподобитися нам слышанию Святаго Евангелия…
Евангелие от Луки, зач. 50 (10. 1-9):
Во время оно, яви Господь и ине́х седмьдесят ученик Своих, и посла их по двема́ пред лицем Своим, во всяк град и место, а́може хотяше Сам ити́. Глаголаше же к ним: жатва убо многа, делателей же мало: молитеся убо Господину жатве, да изведет делатели на жатву Свою. Идите: се Аз посылаю вы яко агнцы посреде волков. Не носите влага́лища, ни пи́ры, ни сапоги́: и никого́же на пути́ целу́йте. Во́ньже аще дом вни́дете, пе́рвее глаголите: мир дому сему. И аще убо будет ту сын мира, почиет на нем мир ваш: аще ли же ни, к вам возвратится. В том же дому́ пребывайте, яду́ще и пию́ще я́же суть у них: достоин бо есть делатель мзды своея́. Не преходи́те из до́му в дом. И во́ньже аще град вхо́дите, и приемлют вы, яди́те предлагаемая вам. И исцелите недужныя, иже суть в нем, и глаголите им: приближися на вы Царствие Божие.

Диакон: Помилуй нас, Боже…
Прилагает и сии прошения:
Преблагий Владыко Господи, споручивый делатели быти святыя Твоя апостолы, рекий им сия, повелевая: жатвы убо много, делателей же мало; молитеся убо Господину жатвы, да изведет делатели на жатву Свою. И мы недостойнии, последующе Твоему повелению, просим и молим Тя: ниспосли благословение Твое на рабы Твоя (имярек), творя их делатели быти неблазнены и неунывны, исполнители заповедий Твоих и проповедники Царствия Твоего, услыши и милостивно помилуй.
Отверзый очи слепорожденному и уши глухому, Сам, Господи, отверзи ныне очи сердечныя внимающим слову Евангелия Твоего, и даждь рабом Твоим со всяким дерзновением глаголати слово Твое, внегда руку Твою прострети Ти во исцеления, и знамением и чудесем бывати Пречудным именем Твоим, молимся Ти, услыши и помилуй.
Еще молимся Ти, Господу Богу нашему, о еже оградити народ Божий от всякия вражия напасти, от внутренних раздоров и нестроений, от наветов, праздности и клеветы, очистити люди Твоя благодатию Всесвятаго Духа Твоего, преобретающе и преумножающе новых чад Церкви Твоея, уловляемых в сети богословия ловцами человеков, рцем вси, Господи, услыши и помилуй.
Заповедь любви учеником Твоим даровавый и научити вся языки воздержанию повелевый, укрепи нас, немощных, в достижении цели нашея, да неотступны пребудем в подвиге благовествования Твоего; утверди стопы наша в крестоношении и следовании Тебе, Благому и Человеколюбивому Спасителю, прилежно молимся Ти, услыши и скоро помилуй.

Диакон: Господу помолимся.
Господи, помилуй.

Молитва Миссионера:
Господи! Господи! Положивый душу Твою за спасение всех человек! Яко Господин жатвы Твоея, изведи многих делателей на жатву Твою! Изведенным же даждь дух молитвы, дух любви Твоея, дух смирения, терпения и разума. Даждь им благовествовати силою многою во исполнение Евангелия Твоего. Да укрепится и возрастет желание возжелавших вспомоществовати нам делами любви благотворящей, да умножатся подобные пособники наши. Благодеющим нам воздаждь Твоими благословениями: живым подаждь здравие и благоденствие, усопших со святыми Твоими в вечных селениях упокой. Ненавидящих и обидящих нас прости, Владыко Человеколюбче, просвети их сердца, вразуми их умы. Всем же нам, Кровию Твоею искупленным, ведущим и еще не ведущим Тя, даруй свет разума Святаго Евангелия Твоего. Ускори призвати и соединити всех в едино стадо Твое здесь на земле и пребыти с Тобою во веки неразлучны во свете Отца Твоего и Бога нашего, Ему же с Тобою и Святым Духом слава и держава во веки.
Лик: Аминь.
Отпуст и многолетие.

Новости